Yardımlıda meşə yanğınının söndürmək üçün təyyarə və vertolyot cəlb olunub – YENİLƏNİB

Yardımlı rayonunun Şıxlı kəndində meşə zolağında baş verən yanğın davam edir.

Fövqəladə Hallar Nazirliyindən verilən məlumata görə, Dövlət Yanğından Mühafizə Xidmətinin canlı qüvvə və texnikası və Aviasiya dəstəsinin "Mi-17" yanğınsöndürmə vertolyotu və “BE 200 ÇS” amfibiya təyyarəsi söndürmə işlərinə cəlb olunub.

Əlavə məlumat veriləcək.

* * *10:45

Yardımlı dağlarında yanğın başlayıb.

Fövqəladə Hallar Nazirliyindən verilən məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Yardımlı rayonunun Şıxlar kəndi yaxınlığında çətin keçilən dağlıq ərazidə meşə zolağında yanğın başlayıb.

Hazırda Fövqəladə Hallar Nazirliyinin Dövlət Yanğından Mühafizə Xidmətinin qüvvə və texnikası, Meşə Təsərrüfatı İdarəsinin əməkdaşları və yerli əhali hadisə yerindədir. Yanğınsöndürmə işləri davam etdirilir.

Əlavə məlumat veriləcək.