Qəribə təsadüf: bu gün doğulan rus yazıçısı bu gün də öldü

Görkəmli rus yazıçılarından biri dünyasını dəyişib.

ANS PRESS-in məlumatına görə, məşhur rusiyalı yazıçı Valentin Rasputin gecə saatlarında Moskvada xəstəxanada vəfat edib. Bu barədə onun nəvəsi Antonin mətbuata xəbər verib.

“Dörd gün komada oldu. Cənazəsinin harada torpağa tapşırılacağı barədə qərarsızıq. Moskvada, yada çox güman ki, İrkutskidə olacaq”, - deyə yazıçının nəvəsi bildirib.

78 yaşlı ruz yazıçısı sağlığında klassik adlandırılan müəlliflərdən biridir. Onun "Mariya üçün pul" (1967), "Son möhlət" (1970), "Fransız dili dərsi" (1973), "Yaşa və xatırla" (1974), "Matyora ilə vida" (1976), "Yanğın" (1985) və başqa povestləri Rusiya mətbuatında ədəbi hadisə kimi qiymətləndirilib.

Yazıçı İrkutskidə yaşayıb yaradırdı.

Onu da qeyd edək ki, Rasputin 1937-ci ilin bu günü İrkutsk vilayətində dünyaya göz açıb. O, son illərdə iki ağır itki yaşayıb: 2006-cı ildə qızlarından biri avtomobil qəzasında, 2012-ci ildə isə həyat yoldaşı ölüb.