Azərbaycanda inəyə görə zəncirvari qəza - 3 nəfər yaralandı

Sabirabadda baş verən yol-nəqliyyat hadisəsi zamanı 3 nəfər xəsarət alıb.

APA-nın Mil-Muğan bürosunun məlumatına görə, axşam saatlarında Hacıqabul-Bəhrəmtəpə magistralının Sabirabad rayonu Nərimankənd ərazisində "Mersedes" markalı "99 GT 578" dövlət nömrə nişanlı avtomobilin qarşısına inək çıxması nəticəsində "Ford" markalı "99 HC 833" dövlət nömrə nişanlı avtomobil və daha bir "Mersedes" markalı avtomobillə toqquşub.

Nəticədə 3 nəfər xəsarət alaraq Şirvan şəhər və Sabirabad rayon xəstəxanalarına yerləşdirilib.

Faktla bağlı araşdırma aparılır.