Müştəri uşaq paltosu oğurladı - Hadisə anbaan kameraya belə düşdü

Bakıda böyük ticarət mərkəzində yerləşən mağazalardan birində maraqlı oğurluq hadisəsi qeydə alınıb.

Dükana girən qadın müştəri uşaq paltosunu asılqanla birlikdə köynəyinin altına salaraq aradan çıxıb.

Milli.Az bildirir ki, hadisə uşaq paltarlarının satıldığı dükanda qeydə alınıb. Mağazaya girən, qucaqlarında uşaq olan iki qadın, 150 manat dəyərində olan paltonu oğurladıqdan sonra ətrafa göz gəzdirərək onları görənin olmadığına əmin olub heç nə olmamış kimi dükanı tərk ediblər.

Bu görüntülər təhlükəsizlik kamerası tərəfindən lentə alınıb. Mağaza rəhbərliyi bu görüntülər əsasında polisə müraciət edib.

Hazırda polis mağazadan oğurluq edən şəxsləri axtarır.