Salyanda avtomobil iki qadını vurub, ölən var

Salyan rayonunda piyada ölümü ilə nəticələnən yol-nəqliyyat hadisəsi baş verib.

AzNews.info Report-a istinadən verdiyi xəbərə görə, qəza bu gün axşam saatlarında Ələt-Astara magistral yolunun yaxınlığında, Qırxçıraq kəndi ərazisində qeydə alınıb.

Belə ki, iki qadın piyadanı avtomobil vurub. Neftçala rayonunun Qaramanlı kənd sakini, 1974-cü il təvəllüdlü Səidə Arif qızı Qədirova hadisə yerində dünyasını dəyişib. Ağır bədən xəsarətləri alan digər yaralı - Şirvan şəhər sakini, 53 yaşlı Gülbəniz Nüsrət qızı Camalova isə Salyan Mərkəzi Rayon Xəstəxanasına çatdırılıb. Hazırda ona tibbi yardım göstərilir.

Faktla bağlı araşdırma aparılır.