Gəncədə bıçaqlanma hadisəsi baş verib

Gəncə şəhərinin Xan bağı adlanan ərazisində bıçaqlanma hadisəsi baş verib.

AzNews.info "Report"a istinadan xəbər verir ki, 1994-cü il təvəllüdlü şəhər sakini Elgin İmamverdiyev şəxsi münasibətlər zəminində tanıdığı şəxs tərəfindən bıçaqlanıb.

Yaralı dərhal ətrafdakı insanların köməkliyi ilə Gəncə Şəhər Təcili Tibbi Yardım Xəstəxanasının Travmatologiya şöbəsinə yerləşdirilib. Növbətçi həkim Məharət Kəriomovun verdiyi məlumata görə, zərərçəkənin müxtəlif nahiyələrinə 4 bıçaq zərbəsi endirilib. Hazırda əməliyyat olunan Elgin İmamverdiyevin vəziyyəti orta ağır qiymətləndirilir.

Faktla bağlı Gəncə şəhər Baş Polis İdarəsində araşdırma aparılır.