Abşeronda yük maşını kişini vurub öldürdü

Abşeronda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Admiral.az-a verilən məlumata görə, hadisə Sulutəpə qəsəbəsində qeydə alınıb. Hökməli qəsəbə sakini Tərlan Kərimov idarə etdiyi dövlət qeydiyyat nişanları olmayan “ZİL” markalı avtomobillə Tərtər rayon sakini Fazil Abışovu vurub. F.Abışov hadisə yerində ölüb.

Faktla bağlı Baş İstintaq və Təhqiqat İdarəsi tərəfindən araşdırma aparılır.