23 yaşli NBA basketbolçusu qətlə yetirilib

ABŞ-da «New Orleans Pelicans» klubunun fevral ayında transfer etdiyi 23 yaşlı basketbolçu Brays Dejan-Cons qətlə yetirilib.

Virtualaz.org CBS-ə istinadən xəbər verir ki, idmançı qarın nahiyəsindən aldığı güllə yarasından ölüb. Hadisə Dallasda baş verib.

Məndənin bildirdiyinə görə, ötən gecə gənc basketbolçu adı çəkilməyən Dallas sakinin evinin qapısını sındıraraq içəri daxil olub. Ev sahibi Dejan-Consu güllələyib. Hadisə yerinə gəlmiş həkimlərin səylərinə baxmayaraq, idmançını xilas etmək mümkün olmayıb.

Fevral ayında Brays Dejan-Cons NBA-də çıxış edən «New Orleans Pelicans» klubu ilə 3 illik müqavilə imzalamışdı.