İTV-nin müxbiri qəza törətdi

İTV-nin şimal bölgəsi üzrə müxbiri Ramiz Ramazanov Qubada qəza törədib.

Publika.az xəbər verir ki, hadisə dekabrın 31-də, gecə saat 24 radələrində Quba-Xudat yolunun Aqbil kəndi ərazisindən keçən hissəsində baş verib.

Yol sürüşkən olduğundan Ramiz Ramazanov idarəetməni itirib və avtomobil yoldan çıxaraq ağaca çırpılıb. Hadisə şahidləri dərhal təcili yardıma zəng vurublar.

Qəza zamanı başından xəsarət almış sürücü xəstəxanaya yerləşdirilib və əməliyyat olunub.