Rusiyada vertolyot qəzası: 4 ölü – SON DƏQİQƏ

Rusiyanın Xanti-Mansi Muxtar Dairəsində AC-350 helikopterinin qəzaya uğraması nəticəsində 4 nəfər həlak olub.

Axar.az “İnterfaks”a istinadla xəbər verir ki, rəsmi məlumatda helikopterdə 5 nəfərin olduğu, onlardan 4-nün öldüyü təsdiqlənib.

AC-350 vertolyotu Xanti-Mansinin 65 kilometrliyində, Kedrovo qəsəbəsi yaxınlığında sərt eniş edib. Nəticədə helikopter kiçik hissələrə parçalanıb.

5-ci sərnişinlə bağlı hələlik rəsmi məlumat yoxdur. Qəza yerində araşdırma aparılır.