Pakistanda hərbi helikopter qəzası: 9 ölü

Pakistanın şimali-qərbində hərbi helikopterin qəzaya uğraması nəticəsində ən azı 9 nəfər həlak olub.

Oxu.Az BBC-yə istinadən xəbər verir ki, helikopterdə 12 nəfər olub, üç nəfərin taleyi haqqında heç bir məlumat verilmir.

Hərbi tibb işçilərini daşıyan Mi-17 helikopteri Hayber-Paxtunxva əyalətinin dağlıq hissəsində qəzaya uğrayıb.

Pakistan ordusunun nümayəndəsinin sözlərinə görə, qəzaya səbəb texniki nasazlıq olub, texniki problemin xarakteri barədə heç bir məlumat verilmir.

İl ərzində Pakistanda artıq ikinci dəfədir ki, helikopter qəzaya uğrayır. May ayında Pakistanın şimalında baş verən qəza nəticəsində yeddi nəfər həlak olub, onların içində Filippin və Norveç səfirləri də olub.