Bakıda ağır qəza: ölən var

Bakının Nərimanov rayonunda ölümlə nəticələnən ağır yol nəqliyyat hadisəsi baş verib. ANS PRESS-in məlumatına görə, qəza, sürücünün idarə etdiyi avtomobilə nəzarəti itirməsi nəticəsində baş verib.

Ziya Bünyadov prospekti ilə Koroğlu metrosu istiqamətində hərəkətdə olarkən havanın yağışlı olması səbəbindən sürücü E. Həsənov idarə etdiyi “Mercedes”in nəzarətini itirib. Sürət yüksək olduğundan sürücü yaş yolda avtomobili saxlaya bilməyib. Nəticədə avtomobil yanacaqdoldurma məntəqəsinin hasarın çırpılıb.

Qəza nəticəsində sürücü hadisə yerində dünyasını dəyişib. Onun sıxılmış cəsədi FHN-nin xilasediciləri tərəfindən deformasiyaya uğramış avtomobildən çıxarılıb.

Sərnişini Şaiq Abbasov xəstəxanaya çatdırılıb. Həkimlər onun vəziyyətinin ağır olduğunu bildiriblər.

Faktla əlaqədar cinayət işi başlanıb. Araşdırmalar aparılır.