BDU-dan Pakistan prezidentinə diplom

Martın 13-də Bakı Dövlət Universitetində (BDU) Pakistan İslam Respublikasının prezidenti Məmnun Hüseynə bu ali məktəbin fəxri doktoru diplomunun təqdim edilməsi mərasimi keçirilib.

ANS PRESS-in məlumatına görə, tədbirdə BDU-nun rektoru, Milli Məclisin deputatı, akademik Abel Məhərrəmov universitetin elmi şurasının Pakistan prezidentinə fəxri doktor adının verilməsi ilə bağlı qərarını oxuyub.

Sonra Pakistan prezidentinə fəxri doktor diplomu və mantiya təqdim olunub.

Pakistan dövlətinin başçısı BDU-nun müəllim və tələbələri qarşısında çıxış edib, fəxri doktor diplomuna görə təşəkkürünü bildirib.