Gürcüstan-Azərbaycan sərhədində çaxnaşma – FOTO (YENİLƏNİB)

Tovuz Gömrük İdarəsinin “Sınıq Körpü” gömrük postunda turistlərin və sərnişinlərin qonşu ölkəyə keçidində müəyyən qədər sıxlıq müşahidə olunması bayram və istirahət günləri ilə bağlıdır.

Dövlət Gömrük Komitəsindən Oxu.Az-a bildiriblər ki, Azərbaycan-Gürcüstan sərhədində gömrük əməkdaşları gücləndirilmiş iş rejimində çalışır və yaxın 2-3 saat ərzində mövcud sıxlıq aradan qaldırılacaq.

10:41

Gürcüstan-Azərbaycan sərhədindəki “Qırmızı körpü” sərhəd-gömrük məntəqəsində gərginlik yaranıb.

Oxu.Az xəbər verir ki, bu barədə bizimyol.info-ya hadisə yerində olan əməkdaşı məlumat verib.

Bildirilir ki, sərhəddə 2000-ə yaxın insan toplanıb və qarşı tərəfə keçmək istəyirlər. Artıq 3 saatdır burada gözləyənlər də var. Lakin, insanlar qarşı tərəfə buraxılmır. Məntəqədən növbənin dəyişildiyi deyilir. Narazılıq o qədər şiddətlənib ki, hətta çaxnaşma halları qeydə alınıb.