Bakı küçələrindəki son vəziyyət

Bu gün səhər saatlarından başlayaraq, Bakı şəhərinin bəzi istiqamətlərində avtomobil sıxlığı müşahidə olunur. Nəqliyyatı İntellektual İdarəetmə Mərkəzindən ANS PRESS-ə verilən məlumata görə, sıxlıq əsasən şəhərin mərkəzinə gedən ərazilərində yaranıb.

Ən çox Afiəddin Cəlilov küçəsində avtomobillərin sıxlığı yaşanır. Bundan başqa, Ş.İ.Xətai prospektində, Təhsil Nazirliyinin qarşısında, Heydər Əliyev prospektində, kənar yoldan şəhər istiqamətinə avtomobil sıxlığı müşahidə edilir.

Şəhərin şimal girişində də nisbətən sıxlıqdır. Əsasən Xırdalan dairəsi, Bakı-Sumqayıt yolunda, şəhərə girişdə və Bakı Beynəlxalq Avtovağzalın qarşısında avtomobillərin nisbətən sıxlığı müşahidə olunur.

Nəqliyyatı İntellektual İdarəetmə Mərkəzindən ANS PRESS-ə bildirdilər ki, bu gün səhər saatlarında yollarda elə də ciddi problemlər qeydə alınmayıb.