Azərbaycana yay gəldi

İyunun 21-də planetin Şimal yarımkürəsində, o cümlədən də Azərbaycanda yay fəsli başlayıb.

Oxu.Az xəbər verir ki, dünən Günəş Yerin Şimal yarımkürəsində ən pik həddinə çatıb.

Bu səbəbdən də, yay fəslinin gəldiyi 21 iyun tarixində Şimal yarımkürəsində ən uzun gündüz, ən qısa gecə yaşanıb.

Cənub yarımkürəsində isə dünən, əksinə, ən qısa gündüz, ən uzun gecə yaşanıb.

Bu gündən, iyunun 22-dən etibarən isə gündüzlər qısalmağa, gecələr isə uzanmağa başlayacaq.

Bu proses 21 dekabr tarixinədək davam edəcək.