"You-Tube"da milli mətbəximiz barədə videoçarx yayılıb – VİDEO

Bizim milli mətbəximizdən yoxdur. Bəlkə də yeganə mətbəxdir ki, burda hər şey öz qaydasında, əndazəsindədir. Sulu yeməklər bir aləm, aşlar, dolmalar, qutablar, hələ kabablar növbənöv. Bu yeməklərlə ağzının dadını dəyişən əcnəbilər çətin ki, bu ləzzəti unuda. Elə sosial şəbəkələrdə də bu məsələ öz əksini tapıb.

ANS TV-nin məlumatına görə, bu dəfə milli mətbəximiz diqqət mərkəzində. Söhbət Avropa Oyunları ərəfəsində YouTube-da yayılan növbəti videoçarxdan gedir. Görüntülərdə milli mətbəximizin simvolu olan qutab və onun necə hazırlanması öz əksini tapıb.

Həmçinin son vaxtlar otellərdə, restoranlarda səhər yeməyi menyusuna əlavə olunan pomidor yumurta çığırtmasının gələn qonaqlara servisi də yer alıb.

Yağ pendir, bal və pürrəngi çay. Səhərə yeməyinin əvəzolunmaz təamları bir arada. Məqsədsə aydındır, ölkəyə gələn əcnəbilər bu təamları dadıb, necə deyərlər ağız dadını dəyişsinlər.

Ağız dadını dəyişənlərsə çox çətin ki, bu ləzzəti unuda.