İkimərtəbəli qatar yük maşını ilə toqquşdu – VİDEO

ABŞ-da 2 mərtəbəli sərnişin qatarı yük maşını ilə toqquşub.

ANS PRESS-in məlumatına görə, bu barədə CNN xəbər yayıb.

Xəbərə əsasən qatar San-Antoniodan Çikaqoya yollanırdı. Hadisə isə İllinoys ştatının Uilminqton şəhərində baş verib. Qatar ABŞ-ın Amtrak dəmir yolları şirkətinə aiddir. AP xəbər verir ki, qəza nəticəsində heç kim xəsarət almayıb. Toqquşma nəticəsində yük maşınının kabin hissəsi dəmir yolunun bir, kuzov hissəsi isə digər tərəfində qalaraq iki yerə bölünüb.

Qeyd edək ki, bu Amtrak şirkətinə aid ilk qəza deyil. Keçən ayın ortasında Filadelfiyada şirkətə aid qatarın qəzaya uğraması nəticəsində 5 nəfər həyatını itirmişdi, 130 nəfər isə yaralanmışdı.

İndiki hadisə nəticəsində isə dəmir yolu bağlanıb.