Ankarada yağış yağdı, hər yeri sel basdı – VİDEO

Türkiyənin paytaxtı Ankarada yağan yağışın güclü fəsadları olub.

ANS PRESS-in “İHA”ya istinadən verdiyi məlumata görə, axşam saatlarında yağmağa başlayan yağış yerli sakinləri çıxılmaz vəziyyətə salıb.

Qısa müddətliyə yağan yağışdan sonra paytaxtda bir çox evi və iş yerini su basıb.

Yerli sakinlər evlərinə və iş yerlərinə dolan suyu qablarla boşaltmağa çalışıblar.

Bəzi evlərdəki eşyalar istifadəyə yararsız hala düşüb.