Şəkidə mikroavtobus aşdı: 7 yaralı

Hüquq-mühafizə orqanlarından ANS PRESS-ə verilən məlumata görə, Bərdə-Şəki marşrutu ilə hərəkət edən mikroavtobus yoldan çıxaraq aşıb.

Qəza nəticəsində mikroavtobusun içərisindəki sərnişinlərdən bir neçə nəfər yaralanıb. İlkin ehtimala görə, yaralıların sayı 7 nəfərdir.

Müxtəlif bədən xəsarətləri alan yaralılar xəstəxanalara yerləşdiriliblər.

Hadisənin hansı səbəbdən baş verməsi aparılacaq araşdırmalardan sonra məlum olacaq.

Faktla bağlı araşdırma aparılır.