Qocalar evində yanğın: 38 ölü – FOTO

Çinin mərkəzi əyalətlərindən olan Hınan əyalətində faciə baş verib.

ANS PRESS-in məlumatına görə, əyalətin Luşa qəsəbəsində yerləşən qocalar evindən birində yanğın baş verib. Bədbəxt hadisə dünən gecə saatlarında qocalar evinin yataqxanasında başlayıb və qısa müddət ərzində bütün binaya yayılıb.

Yanğın söndürüləndən sonra axtarış, xilasetmə işləri aparılıb.

Bədbəxt hadisə gecə baş verdiyindən ölənlərin sayı çox olub. Belə ki, 38 adamın öldüyü müəyyən edilib. İki nəfər isə ağır yaralanıb və xəstəxanaya aparılıblar. Yanğının nə səbəbdən baş verdiyi araşdırılır.