1 milyon körpəyə elektron sağlamlıq kartı verilib

“Qafqazinfo”nun ictnews.az-a istinadən məlumatına görə, bu barədə səhiyyə nazirinin müavini Elsevər Ağayev məlumat verib. 2007-ci ildən elektron sağlamlıq kartından əhalinin yararlandığını vurğulayan nazir müavini bildirib ki, bu günədək 1 milyon körpəyə elektron sağlamlıq kartı verilib.

“Biz həmçinin doğum haqqında şəhadətnamələri, sürücülük vəsiqəsi üçün tibbi arayışları onlayn surətdə verə bilirik – deyən E.Ağayevin sözlərinə görə, təcili tibbi yardımın işini asanlaşdırmaq üçün elektron xəritə hazırlanıb. O vurğulayıb ki, Yaponiya hökumətinin ayırdığı qrant və dövlətimizin dəstəyi ilə təcili yardımda informasiya texnologiyalarının tətbiqi həyata keçirilib:

“Bu istiqamətdə müəyyən işlər görülüb. Bütün xəstəxanalar vahid informasiya sistemi ilə idarə olunmalıdır”.