“Facebook”dan inanılmaz xidmət

Dünyanın ən məşhur sosial şəbəkəsi "Facebook" proqram tərtibatçılarına internetə pulsuz çıxış təqdim edəcək.

ANS PRESS-in məlumatına görə, bu imkan "İnternet.org" platformasının inkişafı layihəsi çərçivəsində təklif olunur və tərtibatçılara pulsuz internet "HTTPS" şifrləmə dəstəyi olmadan təqdim ediləcək.

Bu xidmət Hindistan, Zambiya, Kolumbiya, Tanzaniya, Keniya, Qana, İndoneziya və Filippindən olan istifadəçilər üçün nəzərdə tutulub.

Qeyd edək ki, 2004-cü ildən bəri fəaliyyət göstərən "Facebook" şəbəkəsi hazırda istifadəçilərinin sayının daha da artırması yollarını aramaqdadır. 1,38 milyard “Facebook” istifadəçisinin təxminən 600 milyonu Facebook şəbəkəsinə mobil cihazlar vasitəsilə daxil olur.