Qeyri-sabit hava şəraiti salamlığa mənfi təsir göstərir – VİDEO

Yazın gəlməsinə baxmayaraq havaların qeyri-sabit yağmurlu keçməsi bəzi meteohəssas insanların səhhətində problemlər yaradır. Bu zaman isə insanlarda olan əksər xroniki xəstəliklər kəskinləşir. Yazda soyuqdəymə xəstəlikləri, virus infeksiyaları, nəfəsalma sistemi xəstəliklərinin sayı kəskin artır. Səbəbi immunitetin zəifləməsidir.

Zəifləmiş immunitet insanı virus və bakteriyaların hücumundan qoruya bilmir. Yazda xüsusən allergik xəstəliklər də kəskinləşir. Bu xəstəlikləri olan insanlar, əvvəlcədən həkimlə məsləhətləşməli və lazım olan müalicəni almalıdırlar. Həmçinin, bu fəsildə xroniki mədə-bağırsaq sistemi xəstəlikləri də geniş füsət alır. Mütəxəssislər bu cür xroniki xəstəlik daşıyıcalarına daim həkim nəzarəti altında qalmalarını tövsiyyə edir.

Bu dövrlərdə həkimlər yaxşı qidalanmağı, tez-tez açıq havada olmağı məsləhət görürlər.