Lepka sexi kül oldu

Zaqatala rayonunda yanğın hadisəsi baş verib.

ANS PRESS-in bölgə müxbirinin verdiyi məlumata görə, yanğın gecə saatlarında şəhərin Xətai prospextində yerləşən Xuraman Rəşid qızı İdrisovaya məxsus lepka sexində qeydə alınıb.

Hadisə nəticəsində 40 km-lik tikilinin yanar konstruksiyaları və sexdəki bəzək əşyaları tamamilə yanıb.

Hadisə yerinə gələn Fövqəladə Hallar Nazirliyinin Zaqatala Yanğından Mühafizə Hissəsinin əməkdaşlarının səyi nəticəsində yanğının böyüyərək, yaxınlıqdakı digər tikililərə keçməsinin qarşısı alınıb.

İlkin ehtimala görə yanğına səbəb elektrik naqillərində qısaqapanma olub.

Faktla bağlı araşdırma aparılır.