15 şadlıq sarayında özbaşınalıq

Ötən ay sanitariya-epidemioloji xidmət orqanları tərəfindən qida məhsulları istehsal edən 63 müəssisənin sahibi inzibati qaydada cərimələnib.

Səhiyyə Nazirliyi Gigiyena və Epidemiologiya Mərkəzinin şöbə müdiri İmran Abdullayevin ANS PRESS-ə verdiyi məlumata görə. müəssisələr yeyinti məhsullarının istehsalı, satışı, saxlanması, daşınması zamanı sanitariya norma və qaydalarının tələblərini pozduqlarına görə cərimələniblər.

O, cümlədən laboratoriya müayinələrinin nəticələrinə görə gigiyenik normalara cavab verməyən məhsullar istehsal edən 7 obyektin istismarının dayandırılması barədə qərar qəbul edilib.

Qanun pozuntularına görə 16 nəfər işdən müvəqqəti kənarlaşdırılıb.

Bundan başqa, ciddi qanun pozuntuları qeyd edilən 2 müəssisənin işi istintaqa göndərilib.

"Ötən ay ərzində şadlıq evlərindən 1347 yaxma nümunəsi götürülüb. Aparılan yoxlamalar nəticəsində 15 yaxma nümunəsində mikrobioloji çirklənmə aşkarlanıb", - deyə İmran Abdullayev bildirib.