Türkdilli ölkənin vilayət rəhbəri erməni məşqçini qovdu

Dünən Qazaxıstanın "Aktobe" klubuna 0:2 hesablı məğlubiyyətdən sonra Qostanay vilayətinin rəhbəri Nurəli Sadvakasov "Tobol"un erməni baş məşqçisi Vardan Minasyanı komandadan qovub.

ANS PRESS-in məlumatına görə, oyunçulara bildirilib ki, Minasyan daha komandanı çalışdırmayacaq.

Vesti.kz saytının informasiyasına görə, regionun rəhbəri bu məğlubiyyətdən bərk əsəbləşib və oyundan dərhal sonra komandanın paltardəyişmə otağına yollanıb. Artıq "Tobol"un rəsmi saytı da belə bir bəyanat yayıb: "Aktobe"yə yenilgidən sonra vilayət futbol federasiyası və "Tobol" FK-nın rəhbərliyi Vardan Minasyanın səlahiyyətlərindən kənarlaşdırılması haqda qərar qəbul edib".

Qeyd edək ki, əvvəllər Ermənistan millisinin də baş məşqçisi olmuş Vardan Minasyan 1 ilə yaxın idi ki, "Tobol"u çalışdırırdı. O bu postda Sergey Maslenovu əvəzləmişdi.