Azərbaycanda məşğul əhalinin sayı 4,9 milyon nəfərdir » AzNews.info -Xəbər portalı

Bölmə: Sosial

Azərbaycanda məşğul əhalinin sayı 4,9 milyon nəfərdir STATISTIKA

Azərbaycanda məşğul əhalinin sayı 4,9 milyon nəfərdir

Dövlət Statistika İdarəsinin verdiyi məlumata görə, bu il martın 1-inə olan ilkin statistikaya əsasən iqtisadi fəal əhalinin sayı 5129,9 min nəfər olub və onlardan 4876,0 min nəfərini məşğul əhali təşkil edib.

Həmin mənbədən bildirilib ki, bu il fevralın 1-inə olan məlumata görə, muzdla işləyənlərin sayı 1523,8 min nəfər olub. Onlardan 862,8 min nəfər dövlət sektorunda, 661,0 min nəfər isə qeyri-dövlət sektorunda çalışıb. Neft sektorunda çalışanların sayı 34,3 min nəfər, qeyri-neft sektorunda çalışanlar isə 1489,5 min nəfər təşkil edib.

Müəssisə və təşkilatlarda muzdla çalışanların 22,9 faizi məhsul istehsalı sahələrində, o cümlədən 7,2 faizi emal sənayesində, 6,6 faizi tikintidə, 3,2 faizi kənd təsərrüfatı, meşə təsərrüfatı və balıqçılıq sahələrində, 2,2 faizi mədənçıxarma sənayesində, 1,9 faizi su təchizatı, tullantıların təmizlənməsi və emalı, 1,8 faizi elektrik enerjisi, qaz və buxar istehsalı, bölüşdürülməsi və təchizatı sahələrində işləyənlər olub.

Xidmət sahəsində işləyənlərin 21,9 faizi təhsil, 18,9 faizi ticarət; nəqliyyat vasitələrinin təmiri, 8,6 faizi əhaliyə səhiyyə və sosial xidmətlərin göstərilməsi, 7,1 faizi dövlət idarəetməsi və müdafiə; sosial təminat, 4,6 faizi nəqliyyat və anbar təsərrüfatı, 3,6 faizi istirahət, əyləncə və incəsənət, 3,5 faizi peşə, elmi və texniki fəaliyyət, 1,8 faizi inzibati və yardımçı xidmətlərin göstərilməsi, 1,7 faizi informasiya və rabitə, 1,7 faizi maliyyə və sığorta fəaliyyəti, 1,5 faizi turistlərin yerləşdirilməsi və ictimai iaşə, 1,1 faizi daşınmaz əmlakla əlaqədar əməliyyatlar və 1,1 faizi digər sahələrdə xidmətlərin göstərilməsi sahələrində çalışıblar.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *