Səbuhi Məmmədov Naxçıvan Baş nazirinin müavini - maliyyə naziri təyin edilib
Səbuhi Hidayət oğlu Məmmədov Naxçıvan Muxtar Respublikası Baş nazirinin müavini - maliyyə naziri təyin edilib.
Virtualaz.org "Naxçıvan TV"yə istinadən xəbər verir ki, Naxçıvan Muxtar Respublikası Ali Məclisinin Sədri Vasif Talıbov noyabrın 30-da bununla bağlı fərman imzalayıb.
Qeyd edək ki, S.Məmmədov bundan əvvəl Naxçıvan Muxtar Respublikasının maliyyə naziri vəzifəsində çalışırdı. Bu fərmandan sonra isə həm də Baş nazirin müavini vəzifəsini icra edəcək.
Mənbə: Virtualaz.org
