Bu it internetin ulduzu oldu – VİDEO+FOTO

Şirniyyat sevən bu it internetin fenomeninə çevrilib. ANS PRESS-in məlumatına görə, Youtube video portalına yeləşdirilən videoda buldoq cinsli itin videosunu qısa zamanda yüzlərlə insan izləyib.

Videoda aydın görünür ki, it əllərini qaldıraraq masanın üzərindəki torta baxır. O və masadakı azyaşlı uşaq həyəcanla şirniyyatın bölünərək paylarının verilməsini gözləyir.

Amma görünən odur ki, ev sahibələri şirniyyatı nə uşaq, nə də itlə paylaşmaq niyyətində deyillər.

Video kədərli sonluqla bitir. Qadın kəsdiyi tortun yarısını qonaqlara verir, bir hissəsini isə qonşu otağa aparır. Tortun özü üçün ayrıldığını güman edən it sahibəsinin arxasınca düşsə də payını ala bilmir.

Buldoq və körpə şirniyyata baxa-baxa qalır. Videonun sonunda kədərli musiqi fonunda belə bir yazı çıxır: "Bu gün biz tortsuz qalanları yad edirik"