Əmisinə qoşulub qaçan 24 yaşlı qızdan xəbər var

Ötən ilin aprel ayında əmisinə qoşulub qaçdığı deyilən Gəncə sakini, 24 yaşlı Günel Səfərovadan xəbər var.

AzNews.info-nun Ölkə.Az-a istinadən məlumatına görə, Səfərova elə əmisi ilə Gəncənin Məhsəti qəsəbəsinin (Sevinc qəsəbəsi) yaxınlığında yaşayır.

Mənbə bildirir ki, G.Səfərova mağazalardan birində satıcı işləyir, əmisi isə dəmir alveri ilə məşğuldur.

Günel Səfərovanın əmisinin keçmiş həyat yoldaşı Həmidə Səfərova da Gəncədə yaşayır. Mənbənin sözlərinə görə, H.Səfərova “Dubay bazarı” adlanan yerij yaxınlığındakı gecəqondu məhəlləsində məskunlaşıb və o da mağazada satıcı kimi çalışır.

Bildirilir ki, qohumların əksəriyyəti H.Səfərova və G.Səfərovadan imtina edib.

Qeyd edək ki, ötən ilin aprelində Həmidə Səfərova mətbuata müraciət edərək, həyat yoldaşı Həsən Səfərovun 23 yaşlı qardaşı qızı Günel Səfərova ilə qaçdığını bildirmişdi.