Sabahdan hava dəyişir: külək, şimşək, yağış, leysan...

Ekologiya və Təbii Sərvətlər Nazirliyinin Milli Hidrometeorologiya Departamenti hava şəraitinin dəyişəcəyi ilə bağlı xəbərdarlıq edib.

Departamentdən virtualaz.org-a verilən məlumata görə, sentyabrın 8-i və 9-unda Abşeron yarımadasında şimal-qərb küləyinin arabir güclənəcəyi gözlənilir.

Sentyabrın 9-da gün ərzində respublikanın əsasən şimal və qərb rayonlarında arabir yağış yağacağı gözlənilir. Bəzi yerlərdə yağışın leysan xarakterli olacağı, şimşək çaxacağı ehtimalı var. Qərb küləyi qarşıdakı iki gündə ayrı-ayrı yerlərdə arabir güclənəcək.