Polo vətəninə - Azərbaycana qayıtdı – FOTO

Polo - milli adət-ənənələrimizin ayrılmaz parçası olan çovğan oyunu vətəninə - Azərbaycana geri döndü. Belə ki, dünən Polo World Cup 2014 turniri məhz Bakıda - Binə atçılıq mərkəzində baş tutdu. AzNews.info-nun verdiyi məlumata görə turnir Azərbaycan Respublikası Atçılıq Federasiyasının Prezidenti Elçin Quliyevin giriş sözü ilə başladı. Himnimizin səslənməsindən sonra tamaşaçılara bir-birindən maraqlı şoular nümayiş olundu. Daha sonra turnirin ilk 2 oyunu baş tutdu. Azərbaycan yığma komandası debüt matçında əzmkar mübarizəsi ilə yadda qalsa da, sonda 4-5 hesabı ilə ABŞ yığmasına məğlub oldu.

Qeyd edək ki, turnirin digər qarşılaşmaları bugün və sabah baş tutacaq.

Foto: Orxan Səfərli