Ölümcül virusdan qurtuluş yolu tapıldı

Qərbi Afrikadan başlayaraq bir sıra ölkələrdə təşvişə səbəb olan Ebola virusuna yoluxanlardan biri sağalıb.

ANS PRESS-in məlumatına görə, Ebola epidemiyasına yaxalanmış 25 yaşlı Böyük Britaniyalı tibb bacısı Anna Krosun müalicəsi müsbət nəticə verib.

Belə ki, ötən ay Syerra Leonedə dəhşətli virusa yoluxan tibb bacısı Birləşmiş Krallıq tərəfindən təsis edilmiş təyyarə ilə İngiltərəyə gətirilmiş və Londondakı “Royal free Hospital”a yatırılmışdı.

Burada sınaqdan keçirilməyən ilk dəfə onun üzərində tətbiqinə razı olduğu “MİL 77” preparatından istifadə edilib. Nəticə isə ürəkaçan olub. Xəsxənadan verilən açıqlamaya görə, iki həftə əvvəl Ebola diaqnozu ilə daxil olan bu xəstə artıq özünü yaxşı hiss edir və evə yazılıb.

Qeyd edək ki, Ümumdünya Səhiyyə Təşkilatının (ÜST) son yaydığı açıqlamara əsasən, 10 mindən çox insan bu virusdan dünyasını dəyişib.