Özünü 17-ci mərtəbədən atan Nərgizin son görüntüləri – VİDEO

Xəbər verdiyimiz kimi, iyulun 17-i səhər saatlarında Bakı şəhəri, Yasamal rayonu, Ə.Əhmədov küçəsində yerləşən, “Şərur” MTK-ya məxsus binada intihar hadisəsi baş verib.

Publika.az-ın“Space TV”yə istinadən verdiyi məlumata görə, 5-ci Yasamal, ev 1-də yaşayan 2000-ci il təvəllüdlü Nərgiz Vəliyeva Ə.Əhmədov küçəsindəki 24 B saylı binanın 17-ci mərtəbəsindən özünü atıb.

Hadisədən sonra intiharla bağlı müxtəlif fərziyyələr irəli sürüldü. Buna əsas səbəb isə, intihar edən qızın yarıçılpaq olması idi.

Yayılan yeni görüntülərdən bəlli olub ki, intihar edən 18 yaşlı Nərgiz yerə düşən zaman mənzillərdən birinə məxsus kondisionerə çırpılıb. Bu zaman onun paltarının bir hissəsi cırılıb. Həmin paltar sonradan maddi sübut kimi istintaq orqanı tərəfindən götürülüb.