Lənkəranda ağır qəza: ölənlərin sayı 6 nəfərə çatdı – YENİLƏNİB

Lənkəranda ağır yol qəzası nəticəsində ölənlərin sayı 6 nəfərə çatıb və hamısının şəxsiyyəti müəyyənləşib.

"Report"un məlumatına görə, həyatını itirənlərin hamısı bir ailənin üzvləri və yaxın qohumlardır, eyni zamanda Lənkəranın Ləj kəndinin sakinləridirlər.

Ölənlər aşağıdakılardır:

Aslanov Faiq

Aslanov Fikrət

Aslanov Mərziyyə

Aslanova Xanımgül

Aslanov Namiq

Aslanova Məsmə.

Yaralılar:

Aslanov Ülvi Faiq oğlu, 7 yaş

"Shacman"ın sürücüsü Cəfərov Natiq Təvəkkül oğlu.


***19:39

Lənkəran rayonunda ağır yol-nəqliyyat hadisəsi baş verib.

"Report"un məlumatına görə, qəza Ələt-Astara magistralının Lənkəran rayonunun Gərmətük qəsəbəsi ərazisindən keçən hissəsində qeydə alınıb.

Məlumata görə, "Shacman" markalı yük maşını ilə "VAZ-21015" və "Mitsubishi" markalı minik avtomobilləri toqquşub.

Qəza nəticəsində 5 nəfər ölüb. Ölənlərin hamısının "Mitsubishi"də olduqları bildirilir. Onlardan 2-si kişi, 3-ü qadındır.

Bir yaralı uşaq xəstəxanaya çatdırılıb.

Faktla bağlı araşdırma aparılır.