Ermənistanda Milli park yanır

Ermənistanın şimal-şərqində-Dilican Milli parkının ərazisində yanğın baş verib.

Virtualaz.org RİA Novosti-yə istinadən bildirir ki, bu barədə Ermənistanın təbiətin qorunması nazirinin mətbuat katibi Marina Karapetyan məlumat verib.

M.Karapetyan öz Facebook səhifəsində yazıb ki, yanğın çətin keçilən ərazidə baş verib. O həmçinin bildirib ki, hadisə ilə bağlı Fövqəladə Hallar Nazirliyi məlumatlandırılıb.

Mətbuat katibi onu da qeyd edib ki, Milli park 24 min hektardan çox ərazini əhatə edir. Parkda 100 növdən yuxarı ağac var və onlarla heyvan-quş növü bəslənilir.