Xırdalanda yaşayış binasında yanğın baş verib – 17 NƏFƏR TƏXLİYYƏ OLUNUB

Abşeron rayonunda yanğın baş verib. Fövqəladə Hallar Nazirliyinin mətbuat xidməti xəbər verir ki, hadisə Xırdalan şəhərində baş verib.

Belə ki, Xırdalan şəhərində, çoxmərtəbəli yaşayış binasında şaxtadan keçən elektrik kabeli 40 poqon metr yanıb. Hadisə zamanı yanğınsöndürənlər tərəfindən 17 nəfər bina sakini təhlükəsiz əraziyə təxliyyə olunub.

Mənzillər yanğından mühafizə olunub. Yanğın saat 23:05-də yanğınsöndürənlər tərəfindən söndürülüb.