YUNESKO-nun Ümumdünya İrs Siyahısına daxil olan buddist monastırında yanğın

Çinin Tibet muxtar rayonunun paytaxtı Lxasanın buddizm məbədi və Cokanq monastrında yanğın olub.

Virtualaz.org xarici KİV-ə istinadən bildirir ki, köhnə şəhərin mərkəzində yerləşən Cokanq məbədi Tibetin müqəddəs yerlərindən biridir. Monastr 2000-ci ildə rəsmi olaraq YUNESKO-nun Ümumdünya İrs Siyahısına daxil edilib.

Mürəkkəblik dərəcəsi yüksək qiymətləndirilən və səbəbi hələlik məlum olmayan yanğının artıq söndürüldüyü bildirilir.

Yerli hökumətin məlumatına görə, hadisə nəticəsində xəsarət alan olmayıb.