Moskvada erməni oliqarxı həbs olundu

Donetskdə böyük mülkiyyət sahibi olan erməni mənşəli məşhur biznesmen Oleq Mkrtçyan Moskvada saxlanılıb.

Virtualaz.org bildirir ki, bu barədə "Moskovskiy komsomolets” xəbər yayıb.

Oleq Mkrtçyan "Donetsk Sənaye ittifaqı"nın (DSİ) təsisçisi və direktorudur. O, Rusiya Xarici İqtisadiyyat Bankının (Vneşekonombank) DSİ layihələri üçün ayırdığı vəsaitləri israf etmə ittihamı üzrə iki ay müddətinə saxlanılıb.

Ukraynada DSİ-nin səhm paketinin 25%-i Oleq Mkrtçyana məxsusdur. Bundan başqa, onun Alçevskdəki metallurgiya kombinatlarının və Kamenkadakı (keçmiş Dneprodzerjınsk) sənaye müəssisələrinin idarə olunmasında da rolu var.