Dubayda Yeni il gecəsi möhtəşəm lazer şousu – VİDEO

Yeni il gecəsi Dubayda ən böyük lazer şousu üzrə rekord müəyyən edilib.

Oxu.Az-ın məlumatına görə, bu il “Light Up 2018” dünyanın ən yüksək tikilisində – “Bürc Xəlifə” qülləsində ənənəvi atəşfəşanlığı əvəz edib.

Şounu izləməyə on minlərlə insan gəlib. Şou zamanı tamaşaçılar yeddi dəqiqə ərzində göydələnlər və məşhur rəqs edən fəvvarələrin üzərində lazer proyeksiyalarını izləyiblər.

“Light Up 2018” “bir binada ekranlaşdırılan ən böyük lazer və səs şousu” kimi “Ginnesin Rekordlar Kitabı”na daxil ediləcək.

Bundan əvvəlki rekord 2013-cü ildə Honkonqda qeydə alınmışdı. Həmin lazer şousu 46 min kvadrat metrdən çox sahəni əhatə etmişdi. Dubay şousunu sahəsi isə iki dəfə çox — 109 min kvadrat metr təşkil edib.