İsveçdə kişi miqrantlar fahişəliyə cəlb olunurlar

Gender bərabərliyi sahəsində ciddi uğurlara imza atan İsveçdə fahişəliklə daha çox kişi miqrantlar məşğul olurlar.
AzNews.info-nun Sputnik-ə istinadən xəbərinə görə, belə bir qənaətə ölkənin Seksual Maarifləndirmə üzrə Milli Federasiyası gəlib.

Təşkilatın seksoloqu Suzann Larsdotter bildirib ki, hətta İsveç cəmiyyətində fahişə dedikdə əsasən gənc qızlar və qadınlar nəzərdə tutulur. Əxlaqsızlıqla kişi cinsinin nümayəndələri məşğul olurlarsa, heç kim onları zərərçəkmiş kimi qəbul etmir.

Bildirilir ki, 2015-ci ildə İsveçə 35 min qaçqın gəlib. Bir neçə ay sonra minlərlə miqrant hökumət nəzarətinin altından çıxıb. Araşdırma zamanı məlum olub ki, onların əksəriyyəti fahişəliklə məşğul olur. Miqrantlar hesab edirlər ki, çətinliklərə baxmayaraq, bu, onları vətəndə gözləyən həyatdan daha yaxşıdır.