Borclar ləğv olunacaq

Türkiyə hökuməti çox önəmli və xalq üçün vacib olan bir qərar qəbul edib.

ANS PRESS-in məlumatına görə, Türkiyədə məcburi Tibbi Sığortaya olan borclar silinəcək. Bunun üçün gəlirini gizlədərək, tibbi sığortadan yayınan və bu səbəbdən külli miqdarda borcu yaranan şəxslər mart ayının sonuna qədər müraciət etməlidirlər.

Yeni qəbul olunmuş qərara görə, borclar ya tamamilə silinəcək, yaxud da azaldılacaq. Bunun üçün lazım olan sənədləri yığıb məcburi Sağlamlıq Siğorta şöbələrinə müraciət etmək lazımdır. Müraciətlər üçün təyinolunan vaxt azalır.

Rəsmi məlumatlara görə, vətəndaşlar mart ayının 31-nə qədər müraciət edə bilərlər. Ondan sonra edilən müraciətlərə isə baxılmayacaq.