Bakıda şəhid bulağı söküldü – FOTO

Yasamalda “Şəhid bulağı” sökülərək, yerində kababxana-pivəxana açıblar, stollar düzüblər, mal kəsib ət satırlar.

Oxu.Az-a daxil olan məlumata əsasən, sözü gedən ərazi Yeni Yasamalın, Talıblı və Şərifzadə küçələrinin kəsişməsində yerləşir.

Bildirilir ki, orada Qarabağ döyüşlərində qəhrəmancasına həlak olmuş şəhid Allahverdiyev Məhəmməd Şurulla oğlunun xatirəsinə bulaq kompleksi ucaldılmışdı. Bir müddət əvvəl isə ərazinin bir hissəsi zəbt edilərək “Qarabağ” adlı kababxana açılıb. Daha sonra heyvanları da kəsib satmağa başlayıblar. May ayının sonlarında isə bir gecəyə şəhidin adına olan bulağ tamamilə söküb, yerində masalar düzülüb.

“Ərazidə yaşayan qonşuların dəfələrlə iradlarına baxmayaraq, sahibkar və orada çalışanlar insanları hədələyib, onlarla aqressiv davranırlar”.