Piyadaların diqqətinə: Sarı xətti keçən cərimələnəcək

Koroğlu metrostansiyası yaxınlığında yerləşən avtobus dayanacağında piyadalar üçün yeni cərimələr tətbiq ediləcək.

AzNews.info big.az-a istinadən xəbər verir ki, piyadalar üçün nəzərdə tutulan cərimələrin miqdarı məlum olub.

Hüquqşünas Ərşad Hüseynov, dayanacaq ərazisində sarı xətti keçən piyadaların cərimə edilməsindən söz açıb: “Piyadaların qadağan edilmiş sarı xətti keçməsi həm də insanların düşüncə məsələsidir. Bütün qayda-qanunlar insanların təhlükəsizliyinə xidmət edən bir məsələdir. Hökm deyil ki, hər kəs cərimələnməlidir. İnsanların daxilindən də öz təhlükəsizliklərini düşünmək istəyi gəlməlidir. Əgər cərimə edilmirsə, bu, o demək deyil ki, qaydalara laqeyd yanaşmaq lazımdır.

O ki qaldı cərimənin məbləğinə, bu, çox güman ki, 20 AZN civarındadır. Çünki hər bir halda yolu piyadaların keçidi üçün nəzərdə tutulmayan hissəsindən keçənlər 20 AZN cərimələnir”.