Paytaxtın bəzi yollarında sürət həddi aşağı salınıb

Hazırda paytaxtda müşahidə edilən yağıntılı hava şəraiti ilə əlaqədar iki əsas magistral yolda Heydər Əliyev prospekti boyunca (şəhər mərkəzindən Bilgəh istiqamətində eləcə də əks istiqamətdə) həmçinin Zığ dairəsindən Hava limanı və əks istiqamətdə bütün zolaqlar üzrə sürət həddi 20 km/saat endirilib.
AzNews.info-nun məlumatına görə, Nəqliyyat Agentliyi İctimai əlaqələr və maarifləndirmə şöbəsinin müdiri Mais Ağayev APA-Economics-ə bildirib ki, məqsəd nəqliyyat vasitələrinin təhlükəsiz hərəkətini təmin etməkdir.