Malayziyada ana liftin qapıları arasında qalacaq qızını belə xilas etdi – VİDEO

Malayziyada ana liftin bağlanan qapılarından xilas etmək üçün üç yaşlı qızına təpik vurub.

Oxu.Az xəbər verir ki, bu barədə Britaniyanın “Daily Mail” nəşri məlumat yayıb.

Hadisə müşahidə kameralarına düşüb. Kadrlarda kiçik qızın liftin qapılarına yaxınlaşaraq içəri girməyə hazırlaşdığı görünür. Bu zaman liftin qapıları bağlanmağa başlayır. Onu çıxara bilməyəcəyini anlayan ana onu ayağı ilə vurur.

“Liftə sensor yoxdur, yalnız qapını açmaq üçün düymə yerləşir. Qızın bəxti gətirib. Bir az da keçsəydi o, qapıların arasında sıxışaraq qalacaqdı. Ana cəld hərəkət edərək həm qızını xilas etdi, həm də soyuqqanlılığını qoruyub saxlaya bildi”, - yerli mühafizəçi bildirib.