Sumqayıt sakinindən qeyri-adi üsul: Xətkeşlə təzyiq ölçür – VİDEO

Sumqayıt sakini xətkeşlə təzyiq ölçür, həm də dəqiqliklə... Artıq ətrafdakı sakinlər də ona inanaraq təzyiqlərini yoxlatdırırlar.

Oxu.Az Xezerxeber.az-a istinadla məlumat verir ki, Zəkirə Əliyeva təzyiq cihazı olmadan bir xətkeş və bir üzüklə insanların təzyiqini dəqiqliklə müəyyən edir.

Sumqayıt sakini, 76 yaşlı Zəkirə Əliyeva qan təzyiqini müasir aparatlarla deyil, özünəməxsus üsul ilə yoxlayır. 54 il tibb bacısı çalışmış Zəkirə xanım deyir ki, illər əvvəl aparatların çatışmazlığı ona bu üsulla təzyiq ölçməyi vadar edib.

Xətkeş qola açıq şəkildə, başlanğıc hissəsi biləyə, sonu isə qatlanan yerə düşmək şərti ilə qoyulur. Bu prosedur həyata keçirildikdən sonra yalnız qaşları olmayan qızıl üzük sapa keçirilir və xətkeşin sonundan başlayaraq yavaş şəkildə biləyə doğru hərəkət etdirilir.