İstanbulda atışma baş verib: Yaralananlar var

İstanbuldakı restoranlardan birində atışma baş verib.

Report xəbər verir ki, hadisə Fatih rayonunda qeydə alınıb. Xəbərdə bildirilir ki, hadisə zamanı iki nəfər yaralanıb.

Məlumata görə, naməlum şəxsin açdığı atəş nəticəsində restoranın sahibi və universitetlərdən birinin professoru yaralanıb. Hadisənin kim tərəfindən törədildiyi məlum deyil.

Cinayətkar hadisə yerindən qaçıb. Məlumata görə, o, tək olub.

Polis faktla bağlı araşdırma aparır.