Təl-Əvivdə atışma: 1 ölü, 8 yaralı

İzrailin Təl-Əviv şəhərinin mərkəzində barda atışma zamanı 1 nəfər ölüb, daha 8 nəfər yaralanıb.

Oxu.Az xəbər verir ki, polisdən RİA Novosti-yə bildiriblər ki, cinayətkar hadisə yerindən qaçıb.

Hal-hazırda hüquq-mühafizə orqanları hadisənin terror aktı olub-olmamasını araşdırır.

Hadisə Dzinqov küçəsində yerləşən barda qeydə alınıb. Qeyd olunur ki, atəş avtomatdan açılıb.

“Polis hadisə yerini mühasirəyə alıb, əməliyyat-axtarış tədbirləri həyata keçirilir. Biz hələlik hadisənin terror aktı olub-olmadığını deyə bilmərik”, - polis nümayəndəsi Miki Rozenfeld deyib.